Wafungwa watumia simu wakiwa gerezani


0

Naibu Waziri wa Mambo ya Ndani ya Nchi, Hamad Massauni amemuagiza Kamishna Jenerali wa Magereza nchini kuwasimamisha kazi askari wanne wa Jeshi la Magereza, katika Gereza kuu la Ruanda jijini Mbeya, baada ya kubaini wafungwa wa gereza hilo wanamiliki simu na kutumia madawa ya kulevya wakiwa gerezani.

Hamad  Masauni amefanya ziara ya kushtukiza katika Gereza hilo, na kuzungumza na wafungwa pamoja na kufanya ukaguzi ulioonesha kuwa simu hizo zinatumika kwa kufanya vitendo vya rushwa kwa kutumiana miamala ya kifedha, baina ya wafungwa au ndugu wa wafungwa na askari hao.

Kufuatia ukiukwaji huo wa taratibu, Naibu Waziri Masauni, amemuelekeza Kamishna Jenerali wa Magereza nchini, kuwasimamisha kazi askari wanne ambao wamebainika kutumia simu hizo za wafungwa kujipatia miamala ya kifedha, ambayo imeonekana baada ya simu hizo kuchunguzwa na Jeshi la Polisi Mkoa wa Mbeya.

Akizungumzia hatua hiyo, Mkuu wa Mkoa wa Mbeya, Albert Chalamila  amesema pamoja na hatua ambazo zimechukuliwa na Naibu Waziri Masauni, bado ipo haja ya Mkuu wa Gereza la Ruanda kujitathimini kama bado anastahili kuendelea na nyadhifa hiyo.

 


Like it? Share with your friends!

0