Theresa May ajiuzulu rasmi na kutoa nafasi kwa Johnson kama Waziri Mkuu


0

Boris Johnson amewasili katika kasri la Buckingham ambalo ndiyo makao makuu ya Malkia Elizabeth wa Pili ili athibitishwe rasmi kuwa Waziri Mkuu wa Uingereza.

Familia ya kifalme imethibitisha kwamba malkia tayari ameshakubali kujiuzulu kwa Theresa May, waziri mkuu aliyekabiliwa na shinikizo la kujiuzulu baada ya kushindwa kulishawishi bunge kuyakubali makubaliano yake ya Uingereza kujiondoa kutoka kwenye Umoja wa Ulaya aliyoafikiana na umoja huo. Johnson anatazamiwa kuzungumza mbele ya makao makuu ya Waziri Mkuu yaliyoko Downing Street baadae leo.

Kabla ya kuelekea kukutana na Malkia, May alimtaka Johnson kutafuta Brexit ambayo inaweza kuleta maelewano ya kisiasa Uingereza. May amesema anajivunia rekodi yake ya kuimarisha uchumi na kufanyia mabadiliko katika huduma za umma.


Like it? Share with your friends!

0